長發麵家 (Moved) New Location

睇番之前响呢度嘅食評，發覺已經有年多冇嚟，今日下晝趁有空，天氣又凉凉哋，撻對凉鞋坐响大牌檔，實屬最佳享受...客仍舊多，坐低後馬上叫碗牛根魚蛋河...未食先一嗅，有陣陣柱候醬味，錯不了...依舊食到八角香味，同上次一樣，錯不了...牛根雖未及同區漢發般炆至"起膠"，但都夠淰亦夠入味...今次遇到嘅新朋友係魚蛋，形狀扁圓，應該係手揑出嚟，咬入口，軟軟糯糯，口感跟夏銘記嘅極相似，有淡淡魚味，讚....食個碗底朝天....