Video
Read full review
2022-10-26
649 views
位於大嶼山沙灘傍邊嘅廳Bathers景觀一流，對正住個海，如果天氣好，加埋藍天白雲，吹著海風真係無敵！如果想坐最近海邊嘅座位就要預早訂位啦，野食選擇唔算特別多，好多海鮮類，價錢中間價位，但係大嶼山又要海景差唔多咁上下。車位好少同埋好滿，如果揸車要諗諗泊邊！🌊Crispy Salt and Pepper Squid $135★★★★☆大大碟，魷魚唔會細細件，分量都多。魷魚咬落去肉質好爽脆，唔會霉霉地，食落有種鮮味。魷魚出面炸粉薄得黎夠哂酥脆，放耐左都仲係脆口，又唔會魷魚同炸粉分開哂或者空心，調味用左少少鹽同黑椒，清清地已經足夠，因為個魷魚夠新鮮。🌊Roast Spring Chicken $185★★★★☆春雞烤得岩岩好，外面層皮乾得黎香脆，入面肉質仲係鮮嫩，用刀切嘅時候仲有肉汁，唔鞋口即使雞胸部分都做得唔錯。個雞肉本身都帶有香草同鹽味，單食都夠哂味。配菜有一個紫洋蔥，冇左本身洋蔥嘅香辣嗆味，口感爽脆帶香甜，配雞肉一齊食味道更加之出，好夾。如果再覺得單調，雞肉仲可以配埋粟米墨西哥辣椒莎莎醬食，酸酸地，帶少少辣味，更加開胃。其餘配菜有意大利青瓜、椰菜仔咁，成個菜式好豐富。🌊Apple Pi
位於大嶼山沙灘傍邊嘅廳Bathers景觀一流，對正住個海，如果天氣好，加埋藍天白雲，吹著海風真係無敵！如果想坐最近海邊嘅座位就要預早訂位啦，野食選擇唔算特別多，好多海鮮類，價錢中間價位，但係大嶼山又要海景差唔多咁上下。車位好少同埋好滿，如果揸車要諗諗泊邊！
Crispy Salt and Pepper Squid
$135
40 views
0 likes
0 comments
Crispy Salt and Pepper Squid
$135
42 views
0 likes
0 comments
★★★★☆
大大碟，魷魚唔會細細件，分量都多。魷魚咬落去肉質好爽脆，唔會霉霉地，食落有種鮮味。魷魚出面炸粉薄得黎夠哂酥脆，放耐左都仲係脆口，又唔會魷魚同炸粉分開哂或者空心，調味用左少少鹽同黑椒，清清地已經足夠，因為個魷魚夠新鮮。
Roast Spring Chicken
$185
28 views
0 likes
0 comments
★★★★☆
春雞烤得岩岩好，外面層皮乾得黎香脆，入面肉質仲係鮮嫩，用刀切嘅時候仲有肉汁，唔鞋口即使雞胸部分都做得唔錯。個雞肉本身都帶有香草同鹽味，單食都夠哂味。配菜有一個紫洋蔥，冇左本身洋蔥嘅香辣嗆味，口感爽脆帶香甜，配雞肉一齊食味道更加之出，好夾。如果再覺得單調，雞肉仲可以配埋粟米墨西哥辣椒莎莎醬食，酸酸地，帶少少辣味，更加開胃。其餘配菜有意大利青瓜、椰菜仔咁，成個菜式好豐富。
Apple Pie
$85
41 views
0 likes
0 comments
★★★★☆
蘋果批即叫即整，黎到已經聞到好香木桂同蘋果味！個蘋果批皮好香脆，入面好軟淋，咬落去仲食到一粒粒蘋果粒，個肉桂味好夠，甜度剛好，整體偏向酸，但好岩我口味。如果覺得太酸可以加Vanilla cream一齊食，中和番個酸度。而個青蘋果雪葩真係酸，我自己就覺得單食係有啲太酸，但加埋落個蘋果批一齊食就OK，一個熱一個凍，有另一番風味！佢整體唔係太甜，唔會好似一般個啲咁食幾啖就太膩唔想食。啱哂唔係好食得咁甜嘅人，呢個絕對點得過！
🌟總括：環境已經係一百分，加上食物真係幾好食，飲品就正常啦，如果入到去大嶼山我覺得絕對值得一食。我應該都會再Encore！
Post
