八幡屋日本料理 (Closed)

最近天氣開始轉冷，對於身體沒太多脂肪的我已經是一大考驗。而我可以做的，當然是增加食量，囤積脂肪，抵禦寒冬的來臨。於是今晚就約了三五知己食放題，積谷防寒。來到兆萬中心，商場內食肆林立，到了9樓一家日式放題店。入座已經送芝士波士頓龍蝦，本身沒預料之下有龍蝦食，的確幾有驚喜。每位加$60能夠享用升級體驗 (S) order 紙，生蠔，油甘魚刺身，珍寶赤蝦刺身，京蔥金目錭壽司，澳洲和牛壽司，黑松露珍珠鵝肝帶子壽司等，在放題之中食到夠晒豪華，都算值回票價。生蠔鮮甜沒腥味。珍寶赤蝦刺身大隻夠份量，又爽口。佢仲有一個八幡一品海鮮燉湯都值得一試，足料且味度香濃。還有很多其他食物 order 紙，壽司，刺身，冷熱食，甜品應有盡有。一般常見的刺身都有供應。芝麻雞翼比較印象深刻，炸得香脆惹味，朋友也不停 encore。冷豆腐都幾細滑。冷蕎麥麵細細碗唔怕飽到食唔到其他食物。鹽燒牛舌爽口彈牙。蒜片牛柳粒有嚼勁，但唔韌。飲品櫃選擇豐富，當然唔少得啤酒。最後還有雪糕和糯米糍無限量供應。食到飽一飽，成個人暖晒，行出兆萬褸都唔駛著。