Wheatfield X 羅宋湯專門店 (青衣城) (Closed)

今日天氣好凍，凍到入骨。咁凍嘅天氣最想係可以飲一碗熱辣辣嘅湯入肚。知道青衣城有間 WheatfieldX羅宋湯專門店。放工即刻去買碗做晚餐，奈何因為防疫措施只可以買返屋企飲。今次叫咗湯麵同撈麵套餐每個套餐都包羅宋湯,羅宋湯可以揀牛腩或豬髀肉羅宋湯啲配料好豐富，有好多紅蘿蔔，蕃茄同肉，份量好夠。味道好好飲，唔似係街飲嘅味精湯。配菜我加咗牛排同豬髀肉，肉味好夠，份量同追加嘅價錢都合理最後仲叫咗杯蜂蜜生薑茶嚟驅風。食物質素唔錯，美中不足就係啲食物拎到返屋企都凍晒。不過佢哋近排出咗急凍湯包，啱晒飲湯一定要熱辣辣嘅我！