米走雞 (渣甸中心)

Open Now

Now Closed

踏入12月，天氣轉涼，又去咗銅鑼灣嘅「米走雞」食下雞煲暖下身先。*此餐廳收取加一服務費。小份黃金芝士雞煲（單點$208），激量芝士碎、普通乾蔥、少芫茜、少中芹、少洋蔥，採用車打芝士、巴馬臣芝士、水牛芝士、卡夫芝士、大乳芝士製作，拉絲效果突出，味道鹹香，雞件份量多，肉質嫩滑，雞味濃香。沙白蜆（單點$88），味道鮮甜，略嫌肉質比較瘦削。全份蘿蔔（單點$43），口感無渣，食落好新鮮。醬湯（兩人$36），包括有豉油、指天椒、麻醬、香蔥、芫荽、炸蒜、蒜蓉。清熱銀菊露（單點$78），內有杞子、菊花，味道清甜。