Quattro's Kitchen (Moved) New Location

星期一晚同老公去AEON超市掃貨，掃貨前係AEON一間西餐廳食晚飯先。菠菜蟹肉忌廉湯第一次飲菠菜湯，好重波菜味，加左蟹肉同忌廉令到個湯無草青味，幾特別，唔錯。龍蝦湯入面有隻蝦，味道濃郁，好飲。餐包鬆軟香甜，我鍾意食。黑松露黑毛豬骨係新出品，黑松露味好香，黑毛豬骨炸到卜卜脆，好香口，美味可口。卡邦尼意粉煙肉、菇、洋蔥既份量好多，亦十分creamy，每條意粉都掛到忌廉汁。扒紐西蘭肉眼扒牛(10 oz)叫左五成熟，有牛味而且保持到肉汁，配菜有菠菜、薯仔、車厘茄。最後飲埋精選咖啡同意大利朱古力，兩者都香濃幼滑。