嘉樂冰廳 (新村街)

Open Now

Now Closed

轉手之後嘅嘉樂冰廳，其實已經冇之前咁長人龍。星期六嘅下午，午餐食得唔算好飽，就諗住坐低食少少野順便飲杯奶茶。一個人其實唔難搵位，只要唔介意喺疫情之下同人搭枱，等咗2分鐘都唔使就已經可以安排入座，叫咗一客雞翼同一杯熱奶茶。佢係用電飯煲去浸熟呢啲豉油王雞翼，雞翼係非常之滑嘅，亦都非常肥美，但係好可惜調味係鹹咗少少，好似冇之前咁好食了。題外話，地方都非常之窄，好似對面海咁樣叫咗勁多野，再加埋我搭枱其實佢嘅嘢都差唔多擺唔晒。