海記合桃坊甜品 (Closed)

天氣又開始涼，涼涼地食冰凍既甜品別有一番滋味 芒果雪花冰見menu有椰子味，芝麻味，芒果味。椰子味同芒果味唔係成日有得食，就食芒果味啦。冰既份量比糖百府少 不過多左其他配料如鮮芒果，椰汁河粉，綠茶粉圓。睇落顏色好靚。冰既芒果味好濃，糖百府既芒果雪花冰係好淡味既。椰汁河粉出奇地唔甜，溝合左芒果冰同芒果醬一齊食正好 女朋友仲好開心咁話有椰汁河粉加芒果肉等同食埋芒果腸粉呢 店內環境清潔，唔太迫，會再來食。