Le Grande Bleu (Closed)

星期三夜晚，嚟到跑馬地嘅馬場，順便喺附近食個飯。老公一早就book咗呢一間餐廳因為要有預約先可以入去進餐羊肚菌忌廉蘑菇湯湯粉非常濃郁，入口更帶點顆粒感。輕微的攪拌，感覺順滑。手工黑松露帶子酥完全係大顯廚藝嘅一道功夫菜，帶子酥精緻，入口酥脆，並無過分油炸。黑松露嘅清幽並無蓋過帶子嘅清甜，醬汁以本身帶子嘅鮮味調配，可以沾上麵包，值得一推。慢煮鮮鮑魚新鮮嘅鮑魚自帶甜味，用慢煮嘅方法，令到鮑魚更嫩，肉質好飽實。醬汁用上鮑魚自身嘅肝、膽，加上昆布去熬製。法國鵝肝配澳洲黑安格斯牛柳小編平時比較喜歡食美國嘅牛扒，但係呢款來自澳洲嘅黑安格斯牛柳卻帶俾我處處驚喜。入口牛味香盛，牛柳肉質好軟淋，並無多餘嘅牛脂。食落去有少少煙燻嘅果香，同時間剛好鵝肝嘅油份輕輕襯托起，令到主菜更加昇華。新派意大利飯呢款意大利飯相當奢華，分開三個小碗子擺放，有用忌廉醬烹調的配上魚子醬、鮑魚汁烹調、以及師傅自家調製嘅日式醬汁配上三文魚子嘅點綴，米飯充滿着鹹香嘅味道。小店米飯的軟硬程度拿捏剛好，小編尤其喜歡，而且可以一次過品嚐三個味道，特別豐富。法式烤牛奶配威士忌菊花蜜一聽已經好有興趣，上枱聞到好清香嘅菊花味，味道好似熱嘅奶凍，面