Antoshimo Cafe & Bakery (荷里活廣場)

Open Now

Now Closed

黎到鑽石山廣場，附近冇咩野好食，經過見到有一間好日本feel嘅餐廳就去試一試。呢間原來係各地都有分店，包括荃灣同油塘。93蚊一個套餐，包野食同甜品，算係性價比高嘅餐廳。入座冇耐就見到餐廳開始多人同要排幾耐隊。定食由A+B＋C＋D各選一而組成，款式都算多，主要以一份鍋燒肉類，一份炒飯／鍋燒烏冬，一份甜品同一杯飲品組成。今次就叫咗兩個lunch set，包括牛油蜜糖芥末鍋燒炸雞＋壽喜燒湯鍋烏冬同蜜糖芥末鍋煮豚肉＋櫻花蝦濃蝦湯烏冬。份量非常之充足，個人大推櫻花蝦濃湯烏冬同蜜糖芥末鍋煮豚肉，濃濃嘅櫻花蝦湯底滲透入烏冬入面，每條烏冬都掛有濃濃嘅蝦味。而蜜糖芥末鍋煮豚肉調味調得幾好，甜甜的，幾特別。最後仲有個壓軸出場的甜品，係咁多樣野食中最好味的，甜甜煙韌的donnut，配著慢慢溶化的海鹽雪糕，一甜一鹹，一冷一熱，配合得恰到好處。