七輪燒肉 (Closed)

呢間燒肉店同我之前係沖繩旅行時食過既同名，好想試下係咪有一樣水準，地點係正堅尼地城站出口夠哂方便。6點幾唔多人，立刻可以入座，枱面有傳統日式烤肉的烤爐，好有日本feel，抽煙系統不錯，唔會好大油煙。叫左五品肉盛，有牛胸腹牛助肉，豚腩薄切，雞腿肉同羊肉，牛肉質數高，肉嫩多汁，絕對推介。豚肉薄切燒完脆脆地十分香口，亦都不錯，雞同羊就正常水準。醬汁亦好啱我口味，有燒汁，麻油蔥花同檸檬，點完餸飯一流呀！野菜5盛夠新鮮，推介翠玉瓜同超甜粟。食完肉要平衡一下味蕾，哈哈。飲品叫左青森蘋果汁，同日式超市買到的相若，無落冰既，唔會偷工減料，再加叫份蒜蓉烤包，烤到外脆內軟。仲未飽，追加和牛丼，原來呢個先係壓軸好戲，甜醬油煮和牛肉既肉質好彈牙，有肉汁，又嫩，洋蔥爽甜，日本米飯夠Q，我自己仲食到4份3碗囉，呢個超推介! 食完仲可以行去附近發掘下呢個小區，去西環碼頭散下步，或搵間酒吧飲下野咁，就一個愉快週末。