Video
Read full review
2019-12-02
605 views
最近係某網發現左一間新派點心中菜館-名館，提供下午茶時段既點心放題，價錢都好相宜，連埋加一都係$120左右，感覺相當抵食。餐廳有2間分店，分別位於中環同銅鑼灣，而我就揀左銅鑼灣希慎廣場。 我同朋友決定星期六去食，當日14:30到達，店員好快就安排到入座，座位好闊落，餐具好精緻，個碗原來有隻小鯉魚，賞心閱目。茶水顏色金黃，飲得出淡淡玄米味，不過略厭茶味較淡。 落單店員只比左2張點心紙，可能預我地只點兩round，點心紙同買團購所見差唔多係一樣，不過最可惜係無左宮庭點心盤，但當初買團購個陣仲大大隻標題寫左有宮庭點心盤，當前感覺有D落差 作為前菜，味道清爽，一d都唔膩，最上層既水晶皮凍好爽口，一啖一粒，食得好方便！ 除左春卷皮較厚，比較難咬，勝在蝦肉彈牙，味道清爽，可以一試 賣相好鮮艷，但咬落口外面實在太厚，入面餡料紅菜頭都爽口，但豬肉味淡，鮮味一般 賣相好吸引，可惜凍左，酥皮唔脆，入面餡料好似係豆蓉，食落完全無味，真係食唔出係咩餡，睇得唔食得，只適合打卡用！ 香煎蘿蔔糕又係凍既，成舊糕都好多油，一夾就散，放入口一大陣油嗌味，好似食緊成個粉咁，蘿蔔味欠奉。真·菠蘿包只係微暖，雖然面頭層酥皮好
我同朋友決定星期六去食，當日14:30到達，店員好快就安排到入座，座位好闊落，餐具好精緻，個碗原來有隻小鯉魚，賞心閱目。茶水顏色金黃，飲得出淡淡玄米味，不過略厭茶味較淡。
落單店員只比左2張點心紙，可能預我地只點兩round，點心紙同買團購所見差唔多係一樣，不過最可惜係無左宮庭點心盤，但當初買團購個陣仲大大隻標題寫左有宮庭點心盤，當前感覺有D落差
鎮江水晶餚肉
11 views
0 likes
0 comments
作為前菜，味道清爽，一d都唔膩，最上層既水晶皮凍好爽口，一啖一粒，食得好方便！
雪茄鮮蝦春卷
29 views
0 likes
0 comments
除左春卷皮較厚，比較難咬，勝在蝦肉彈牙，味道清爽，可以一試
金箔紅菜頭餃
20 views
0 likes
0 comments
賣相好鮮艷，但咬落口外面實在太厚，入面餡料紅菜頭都爽口，但豬肉味淡，鮮味一般
銀湖天鵝酥
15 views
0 likes
0 comments
賣相好吸引，可惜凍左，酥皮唔脆，入面餡料好似係豆蓉，食落完全無味，真係食唔出係咩餡，睇得唔食得，只適合打卡用！
香煎臘味蘿蔔糕 & 真·菠蘿包
13 views
0 likes
0 comments
香煎蘿蔔糕又係凍既，成舊糕都好多油，一夾就散，放入口一大陣油嗌味，好似食緊成個粉咁，蘿蔔味欠奉。
真·菠蘿包只係微暖，雖然面頭層酥皮好散又唔脆，好在原來餡料係奶黃加菠蘿粒，味道層次好豐富，如果夠熱我諗仲好味～
咖喱蒙古羊肉餅
12 views
0 likes
0 comments
羊肉餅都係唔熱，導致餅皮淋曬，好韌好難咬，值得一提係羊肉無騷味，咖喱汁另上，咖喱汁惹味！
奧爾良雞翼釀糯米
12 views
0 likes
0 comments
雞翼煎到熱辣辣，入口雞肉好入味，有少少辣，不過入面既糯米，味道偏淡。
京都甜脆糍粑
21 views
1 likes
0 comments
甜品叫左糍粑，新鮮炸起，外脆內軟，配埋紅糖同黑糖漿，好香甜，今餐終於有個好結尾了
總括而言，以放題價錢，食到咁多款點心，都尚算抵食，不過食點心最怕係凍，而依間大部份點心，除左係蒸既點心，好多都係整好攤凍曬，真係會好影響食物既味道，如果好似我咁由沙田專程出黎食，我覺得無需要，比我揀多次，我寜願係屋企附近飲茶算了
Post
