張公館

Open Now

Now Closed

終於感受到涼意，就想食蟹，又怕拆蟹麻煩，我哋去咗銅鑼灣vpoint嘅張公館，點咗佢哋嘅蟹料理，茶$20位有我喜歡的菊普，仲有小爐全晚都熱住D茶。小食$20位包括好大粒嘅酸蕎頭，少少酸好多汁，同魚乾花生，夠晒鹹鮮好脆口。先嚟一盅羊肚菌松茸竹笙化菇燉湯 $98，每樣材料都有兩份，羊肚菌好香好夠味，竹笙就係我最鍾意食嘅，個湯都好香濃。再嚟咗每人一份蟹粉小籠包$68隻，啲汁即刻爆曬出嚟，蟹粉肉餡亦都好大份。再嚟一份川式麻辣來雞軟骨/例$138，好大碟，雞軟骨炸到好香口，加埋少少麻辣味啱晒餸酒/飯。之後再嚟主菜：蟹粉扒豆腐$238，啲蟹粉多到包住晒啲豆腐，啲豆腐好滑好鬆軟，豆腐配蟹粉粉係最佳配搭，最後再encore 一份蟹粉伴稻庭麵$128，用個蟹粉撈麵再加埋啲醋一齊食就一流啦。