抖蛋馬來西亞古早味蛋糕 (啟德) (Closed)

香港好少地方有賣馬來西亞古早味蛋糕，「抖蛋古早味蛋糕」每個月都會有一個時間表去決定每日新鮮出爐古早味蛋糕嘅時間，蛋糕採用全天然食材，無添加防腐劑，因此建議2天內完成進食；如果購買當日尚未食完蛋糕，可放入雪櫃保存留待至明日食用，依度嘅蛋糕真材實料，果然真正嘅古早味蛋糕不論凍食、熱食都好味。流心咸蛋古早味蛋糕，正宗馬來西亞風味，人手製作，蛋味濃香，咸蛋黃蓉流心效果突出，食落咸而不膩，口感綿密、鬆軟、濕潤，新鮮出爐，食落好溫暖。原味古早味蛋糕，味道好簡單，食落就係雞蛋嘅原汁原味，口感輕盈、軟熟。