Video
Read full review
2010-02-15
109 views
初一又情人節，真係幾十年先難得一次，之前一晚去行花市，都有收鑊﹗就係行花市買左玫瑰花，大家估下幾多錢﹗問得就梗係唔會貴啦﹗凌晨2:30去行，竟然係賣3蚊一支﹗即時掃佢兩打，再行下買的襯花加埋都唔洗一舊水﹗抵呀﹗人生第一次買到咁平既玫瑰呢﹗行花市都係越夜越妙﹗初一同老豆拜完年，就同食家出發去玩慶祝情人節喇﹗黃昏都仲有0的雨粉，今日我地去西貢bbq king燒野食﹗大家都去做節，燒野食得0個十枱八枱，夠哂清靜﹗大時大節$148一位，可接受水平，唔算貴啦﹗地方都幾企理，唔會爛地一塊，勝在舒舒服服空間又闊落。攞野食的地方無人架，真係十年唔見一次﹗幾靜大家可知一二﹗丸類腸類你諗到既都齊備﹗肉類咩雞翼牛扒豬扒魷魚等都一應俱全﹗超正的食物就係蒜蓉包，是切好了的法包，加上牛油蒜同燒簡單得來好好味﹗食家出品，必屬佳品﹗我都整番條正野佢食下，就係燒秋刀魚﹗唔食魚都燒魚，這是彰顯愛的表現。燒得燶左0的﹗哈哈﹗不過飛左0的皮其實都幾好食﹗加少少檸汁去腥魚味濃﹗黑椒雞扒超厚切，要燒耐一點﹗味道就一般可接受水平。一向都無咩驚喜既丸類反而唔錯喎﹗龍蝦丸彈牙而香口﹔墨魚丸外脆內軟有墨魚香，唔易燶，同食家都覺好味﹗牛丸
就係行花市買左玫瑰花，大家估下幾多錢﹗
問得就梗係唔會貴啦﹗
凌晨2:30去行，竟然係賣3蚊一支﹗即時掃佢兩打，再行下買的襯花加埋都唔洗一舊水﹗抵呀﹗
人生第一次買到咁平既玫瑰呢﹗行花市都係越夜越妙﹗
初一同老豆拜完年，就同食家出發去玩慶祝情人節喇﹗
黃昏都仲有0的雨粉，今日我地去西貢bbq king燒野食﹗
大家都去做節，燒野食得0個十枱八枱，夠哂清靜﹗
大時大節$148一位，可接受水平，唔算貴啦﹗
地方都幾企理，唔會爛地一塊，勝在舒舒服服空間又闊落。
攞野食的地方無人架，真係十年唔見一次﹗幾靜大家可知一二﹗
丸類腸類你諗到既都齊備﹗
肉類咩雞翼牛扒豬扒魷魚等都一應俱全﹗
超正的食物就係蒜蓉包，是切好了的法包，加上牛油蒜同燒簡單得來好好味﹗
食家出品，必屬佳品﹗
我都整番條正野佢食下，就係燒秋刀魚﹗
唔食魚都燒魚，這是彰顯愛的表現。
燒得燶左0的﹗哈哈﹗
不過飛左0的皮其實都幾好食﹗加少少檸汁去腥魚味濃﹗
黑椒雞扒超厚切，要燒耐一點﹗
味道就一般可接受水平。
一向都無咩驚喜既丸類反而唔錯喎﹗
龍蝦丸彈牙而香口﹔墨魚丸外脆內軟有墨魚香，唔易燶，同食家都覺好味﹗
牛丸就羶左0的，魚丸亦都一般般﹗
牛扒唔會醃到軟鬼哂，有肉香也不錯呢﹗
我很滿意我出品的牛油蒜蓉粟米，食了幾轉﹗
就係咁燒燒燒，炭香情人節﹗
呢間bbq king我都食過好幾次，價錢比起出面的任食燒烤場係偏貴，平日都要成百二蚊一位包水及飲品各一，食物亦都好大路無咩特別野，勝在坐得舒適，地方夠大，取食物處得閒都叫有人會執下，整整齊齊，合格吧﹗
這麼高興當然出去西貢市飲番杯啦﹗Cheers......﹗
這是第三年的情人節，好好記著﹗
更多燒烤相:
http://hk.myblog.yahoo.com/smallsmalllin/article?mid=19150
Post
