黑麥 (Closed)

昨晚為朋友預祝生日來了這裡吃飯,但因我地2個都係細食之人所以只叫了一個SET DINNER 再加一個SALAD.SET DINNER選了'頂級煙肉黑椒白酒幼麵'(個名太長唔知有無記錯但肯定有頂級2個字)其實材料真係好簡單,天使幼麵加煙肉,少許磨菇和一些洋蔥碎,吃不到白酒味,可能放得不多吧,但麵質夠彈牙,味道清清地,我同朋友都覺得好好味.餐前來了三片微烘過的核桃麥包,1舊牛油和1小碗切碎的蕃茄粒,齋吃麵包都OKAY好食,餐湯只有一款,昨晚係蕃茄湯,我朋友話幾有新鮮蕃茄味,而SALAD我們叫了'尼斯田園沙律',材料係一些沙律菜,幾粒水欖,1個切開4小份的蕃茄,2個切開的烚蛋,約1罐細的油浸吞拿魚和少許合桃碎,SEASONING係橄欖油,整個SALAD都OKAY新鮮,而且PORTION都好大碟,餐後我們要了熱咖啡,好夠熱,好正.本想再吃甜品,但實在吃不下唯有等下次再試.至於服務都OKAY,因為一叫就好快有人回應但不太見到有笑容.