Video
Read full review
2024-06-28
636 views
睇完戲想搵嘢食，就去左食拉麵。入到去都好多位，但係啲侍應見到我地行過黎都係自己做自己嘢無主動黎serve，仲等我地諗係咪自己行入去就得。我主動同counter後面做緊嘢個人講兩位佢先講執緊枱佢點餐係自己係紙仔嗰度圈，同一款湯底都有好多嘢可以㨂，濃味淡味，啲麵硬啲咁。呢個幾好。我地就叫左個豚王同埋限定王，今期係海鮮湯底。我好鍾意個豚王，我叫左啲麵濃湯啲，所以個湯好thick好好食，啲肉都好大塊。最緊要係個秘制辣醬，一定要！唔係好食辣可以試下1，完全唔覺得辣咁滯，但係佢令到個湯香好多同開胃好多。好推薦！海鮮王都好好食，海鮮王無得㨂咁多嘢，個湯嘅濃度定死左，但係都好濃，啲麵都好易就掛到汁。但係兩個麵都係啲木耳唔係好夠爽。腩肉夠冧，份量都好足！餃子就麻麻地，個皮唔脆，有啲淋左，都未到話好香。環境就一般般，見到有隻就死嘅類似蜜蜂嘅昆蟲係窗邊，同埋都有幾隻蚊咁。所以環境麻麻地。整體嚟講係對得住呢個價錢嘅拉麵！
入到去都好多位，但係啲侍應見到我地行過黎都係自己做自己嘢無主動黎serve，仲等我地諗係咪自己行入去就得。我主動同counter後面做緊嘢個人講兩位佢先講執緊枱
佢點餐係自己係紙仔嗰度圈，同一款湯底都有好多嘢可以㨂，濃味淡味，啲麵硬啲咁。呢個幾好。我地就叫左個豚王同埋限定王，今期係海鮮湯底。
豚王
$96
197 views
0 likes
0 comments
我好鍾意個豚王，我叫左啲麵濃湯啲，所以個湯好thick好好食，啲肉都好大塊。最緊要係個秘制辣醬，一定要！唔係好食辣可以試下1，完全唔覺得辣咁滯，但係佢令到個湯香好多同開胃好多。好推薦！
海鮮王
$98
37 views
0 likes
0 comments
海鮮王都好好食，海鮮王無得㨂咁多嘢，個湯嘅濃度定死左，但係都好濃，啲麵都好易就掛到汁。但係兩個麵都係啲木耳唔係好夠爽。腩肉夠冧，份量都好足！
餃子
96 views
0 likes
0 comments
餃子就麻麻地，個皮唔脆，有啲淋左，都未到話好香。
環境就一般般，見到有隻就死嘅類似蜜蜂嘅昆蟲係窗邊，同埋都有幾隻蚊咁。所以環境麻麻地。
整體嚟講係對得住呢個價錢嘅拉麵！
Post
