丼瀛 (Closed)

觀塘見完客，相約友人一起晚飯。因為唔想同人迫，所以6:00就搵食，正當諗緊食咩好嘅時候，見到呢間餐廳佈置好有香港feel，就好有衝動走了入去。樓底高，座位整齊也有足夠距離，唔侷促，非常舒適。今日店主推介其中一樣是雞皮餃子，一客有五隻，外表香脆，唔算油膩，配上醋非常好味！天龍卷賣相好有氣勢！三文魚入口即溶，每件都有幾粒魚籽，裏面是鬆化的炸蝦加上爽脆青瓜絲，配搭極清新，口感層次豐富。丼瀛特上築地壽司杯：賣相非常吸引， 有赤蝦、海膽、三文魚腩及魚籽、芥辣八爪魚、蔥吞拿魚腩、帆立貝、葉蟹二本爪。最喜歡厚切三文魚，非常肥美；海膽也非常鮮甜新鮮；帆立貝也很大件，味道濃郁；每一款都非常新鮮，壽司飯酸酸地好好味。我們離開時大約7:30，餐廳都滿座了，所以下次嚟嘅時候，一定要預早book位或者避開繁忙時段來支持這間極具本土風味的餐廳呀！