韓食家 (Closed)

睇戲前隨便響商場食左飯先, 揀左一輪呢間比較平, 而且唔洗等, 一於試試.韓燒, 部隊鍋, 石頭飯, 拉麵等等都有, 但自選配料豆腐鍋更覺吸引, 都係幾十蚊.純豆腐配豬骨濃湯, 再加海鮮做配料跟白飯. 純豆腐舊舊都好大, 夠滑溜但唔易散. 豬骨湯底需不算濃, 但清清地唔油膩. 海鮮配料有蜆同蝦, 新鮮爽口, 最緊要無沙. 而且石鍋上個湯夠晒熱騰騰.