天丼

Open Now

Now Closed

我今日嚟到將軍澳東港城攞嘢，見到有間餐廳排緊隊，原來係食天婦羅嘅天丼，咁啱我又未食午餐，所以就諗住試吓，佢嚟香港開個兩間好似，不過我都冇試過，我淨係記得喺日本淺草食過一次，對佢嘅印象只係記得好平同埋個豉油好食，排咗大約10分鐘左右就入咗去，我好快就已經揀定左自己要邊一隻天丼，我揀咗淺草海老天丼，裏面有三隻黑虎蝦、紫菜、茄子同埋四季豆，我自己再追加左一隻天婦羅蛋、同埋天婦羅廣島蠔，飲品我就叫咗唔記得咗咩菠蘿特飲，同埋又嗌多咗一個櫻花蝦薯仔沙律，二甜品我就叫咗和麻米署。當所有嘢食嚟到之後除咗甜品，我好快將啲豪同蛋擺埋落隻碗度，因為你追加食物嗰啲係分開上，我諗住擺晒喺隻碗度影相靚啲😂我第一啖就蝦先，啲蝦OK大隻啦，不過就冇乜味冇乜蝦味，紫菜、茄子、四季豆，就普通好正常。至於我追加嘅蠔呢我覺得幾好食，至於隻蛋，係一定要叫，因為啲蛋黃加埋佢啲豉油撈飯係無敵正！個杯飲品就係一杯菠蘿汽水囉⋯⋯反而個甜品幾有驚喜，我第一次食，覺得幾好食，仲要係凍嘅，對我來講就更加加分，個Pat麻薯，自己係啲芝麻同花生上面碌黎碌去，都幾好玩⋯⋯不過講真其實你呢間餐廳食飯，我覺得我可以再返嚟食嘅，原因係佢價錢真係唔貴，同