流水蝦

Open Now

Now Closed

心水咗流水蝦好耐，FD話之前係觀塘食咗一間流水蝦質素唔錯，咁一定要去試吓。鋪頭唔算大，嘢食都好豐富，有素菜，肉，海鮮，嘢飲，雪糕，甜品同生果。仲有小料台，方便DIY燒烤調料，好貼心。每一張台都有流水蝦經過，唔洗特登行出去夾蝦，勁方便！估唔到哩間鋪頭晚市都幾FULL，7點半已經全部坐滿。一座低，阿姐即刻開咗爐，同埋送咗一碟椒鹽蝦。拿完嘢飲，配菜等，椒鹽蝦已經熟咗，即刻有得食，開心！每張台都放咗好多一次性手套，方便食蝦。黎咗流水蝦，一定要先玩吓啦。大頭蝦都幾生猛，夾住想影張相，都被佢彈起咗。大頭蝦夾咗出來，要立即放入冰筒凍暈佢。等佢暈咗，再放到爐上燒。蝦一食就知好新鮮，因為勁彈牙，唔洗加醬料已經食得出蝦嘅鮮甜，勁好味，一定要食多幾隻。套餐仲送埋一碟安格斯牛肉同海鮮拼盤。大大件安格斯牛肉有4-5件，同埋4粒牛肉粒。海鮮拼盤都幾豐富，有帶子，鮑魚，蜆同鰻魚。安格斯牛肉好薄身，唔洗燒好耐已經有得食，入口好重牛味，食完完全唔夠喉！海鮮處理得幾乾淨，扇貝同鮑魚都好大一隻。鋪頭提供咗蒜蓉，小米辣同醬汁，當然要DIY蒜蓉扇貝同生蠔啦。鮑魚食落好彈牙，扇貝食落好鮮甜，估唔到最好食係鰻魚。鰻魚燒過之後勁鮮甜