華嫂冰室 (杜智臺)

Open Now

Now Closed

嗰日2點度同男朋友特登搭車嚟灣仔就係為咗食華嫂冰室。離遠已經見到人龍，原來要拎飛先，蠢咗。排咗10至15分鐘度啦，都ok。是關係當日第一餐，餓到癲咗嘅我地，一人嗌咗一碗麵，再嗌多兩個包同兩杯飲品豬扒雞翼蕃茄湯通粉（$53）好食我就嗌咗佢地招牌雞翼豬扒蕃茄通粉，個人覺得雞翼個味幾好，不過就淋咗啲。豬扒好好食，味道又夠，又夠淋好易咬開，湯底再濃啲會更happy秘製雞翼冬蔭公出前一丁（$45）好食男朋友就嗌咗秘製雞翼冬蔭公出前一丁，估唔到個冬蔭公又幾好食喎。但如果你要求係泰國餐廳正宗冬蔭公，就未必滿足到你啦，因為椰香始終無乜。（出前一丁加$3，冬蔭公湯底加$8）招牌菠蘿包 （$20）超好食點可以唔嗌呀！我地食完麵先再食個包，都仲keep到勁脆！包又香勁好食！入面有一塊厚切牛油，大小適中唔會太膩，重點係塊蛋，蛋黃係啱啱熟嘅橙色蛋黃，堅正！仲有兩塊蕃茄中和番，一齊食咩口感都有，唔會覺得膩啦！鮮油奶多（$14）好好食雖然係普通嘅多士加煉奶加牛油，但有時越簡單嘅嘢先越難整得好食！多士面烘得夠脆，煉奶同牛油比例啱啱好，一樣係大小適中嘅厚切牛油。食完完全無膩到爆嘅感覺！推介！冰花奶茶（$22）失望個名好