陳記燒鵝花園餐廳

Open Now

Now Closed

繼上次嘅裕記父親節晚飯後，今次慶祝朋友生日，其中一個朋友住起碧堤，於是又走咗去深井食飯。上個禮拜去咗裕記食，包括燒鵝，樣樣都普普通通，實在有 d 失望，所以今次又去深井食飯，於是我又建議要食燒鵝，今次就去陳記花園燒鵝……燒鵝比裕記貴，$350一隻~~~燒鵝上枱，排得非常靚，點知一入口，ooooooooooooooooooo晒咀…… 燒鵝一 d 都唔熱，暖都講唔上，皮不脆，超肥，好咸，肉 un，食完一嚿已經唔想食，只係唔想浪費先多幾嚿，到最後叫半隻差唔多食剩一半……最普通嘅生炒骨都可以做到一d都唔酸唔甜，食緊一碟好紅但無味嘅排骨咁......炒蜆味道亦唔夠，幸好都叫大大隻，無乜沙……其餘冬瓜盅、花膠魚肚浸勝瓜同雜菜煲也是簡單餸菜……記得上星期已經對裕記有點失望，但總算不過不失，但今次陳記，真係「期望越高，失望越大」…… 我諗下次再去深井食飯，我唔會再想食燒鵝喇！！