陳春記

Open Now

Now Closed

如果住喺中上環或者西區嘅人而又鍾意食豬雜嘅人，一定聽過陳春記。佢係位於上環皇后街街市入邊嘅一個檔攤，平時呢度一定會好多人，如果你中午你食飯嘅時候黎，你要預早少少嚟，如果唔係基本上你要等位。呢度嘅嘢食好簡單，就係得嘅大嘅豬雜面同埋細嘅豬雜面。細嘅$30 ，大嘅$50。但一般對於我來講呢都係一碗大嘅，細嘅唔係會唔夠食，你可以揀要唔要豬紅同埋加唔加菜。佢最好嘢嘅就係呢佢得一個師傅做同埋一個樓面，但係佢個豬什呢完全冇異味，無論豬肺豬心豬潤豬肚豬腸全部都幾好，加埋胡椒味嘅熱湯，再配埋佢自己嘅辣椒醬，呢個味道係perfect match。如果大家食一碗麵都唔夠飽嘅話，可以過去隔離曾記粿品買幾個粿品食，嗰度都係高水準之作，大家可以多啲去上環皇后街街市發掘一啲高水準嘅食物。