Video
Read full review
2016-10-25
384 views
上月尾,收到店方試食邀請電郵,於是約好前(23-10-2016 Sun)晚,同老公o黎呢o度食,當埋佢o既生日飯啦.呢o度o既環境,枱面佈置,睇見咁多篇食評,都唔使我再多講啦.我o地坐低後就揀套餐,套餐價錢由主菜決定,由$498.00至$648.00不等.我o地要$548.00o既脆鱗馬頭魚配黑松露南瓜汁,同$648.00o既燒龍蝦闊條麵配西班牙番茄醬.但侍應話脆鱗馬頭魚冇晒.咁早就冇晒?咁我o地改啦,佢o地建議$528.00o既慢煮黑毛豬柳配玉桂蘋果蓉,燒菠蘿.我o地亦都揀埋甜品先,草莓仙子似乎成為必食,幾乎每篇食評都出現,既然係咁,我都趁熱鬧,order埋呢個.另一個老公就揀熊仔造型o既羅勒葉朱古力(睇o黎佢係公主),但侍應話呢冇,變o左狗仔,不過都係check check有冇先,咁不如順便話俾我o地知邊啲有.佢返o黎話俾我o地知後,我o地就決定要手袋造型o既紫薯乳酪(又係我公主老公o既決定).真係order完等食喇.佢o地自動送上五款自家製曲奇俾我o地,由下面逆時針數起為:粉紅玫瑰,榛子果仁,黑朱古力,芝士同西班牙火腿.西班牙火腿鹹,味道最濃,但濃極都唔會好濃;芝士味好出;黑朱古
呢o度o既環境,枱面佈置,睇見咁多篇食評,都唔使我再多講啦.
我o地坐低後就揀套餐,套餐價錢由主菜決定,由$498.00至$648.00不等.我o地要$548.00o既脆鱗馬頭魚配黑松露南瓜汁,同$648.00o既燒龍蝦闊條麵配西班牙番茄醬.但侍應話脆鱗馬頭魚冇晒.咁早就冇晒?咁我o地改啦,佢o地建議$528.00o既慢煮黑毛豬柳配玉桂蘋果蓉,燒菠蘿.
我o地亦都揀埋甜品先,草莓仙子似乎成為必食,幾乎每篇食評都出現,既然係咁,我都趁熱鬧,order埋呢個.另一個老公就揀熊仔造型o既羅勒葉朱古力(睇o黎佢係公主),但侍應話呢冇,變o左狗仔,不過都係check check有冇先,咁不如順便話俾我o地知邊啲有.
佢返o黎話俾我o地知後,我o地就決定要手袋造型o既紫薯乳酪(又係我公主老公o既決定).真係order完等食喇.
佢o地自動送上五款自家製曲奇俾我o地,
由下面逆時針數起為:粉紅玫瑰,榛子果仁,黑朱古力,芝士同西班牙火腿.西班牙火腿鹹,味道最濃,但濃極都唔會好濃;芝士味好出;黑朱古力食到微苦;榛子果仁普通,冇特別;粉紅玫瑰就好花味,唔太甜.
然後到starter,茴香沙律配帕馬臣芝士同番茄沙律配水牛芝士,松子仁,羅勒.兩款starter一齊到,侍應同我o地講,兩款撈埋一齊食.撈埋一齊食?一個餐跟一個starter,我o地叫兩個就話有晒兩款可以撈埋o黎食啫,咁講法,即係如果單獨食其中一款就唔好食?
我唔撈喇,逐樣食,先食茴香沙律配帕馬臣芝士,
呢個酸酸地,幾醒胃,但我覺得味道有少少怪.番茄沙律配水牛芝士,
其實冇乜特別 水牛芝士味道淡,車厘茄新鮮.
然後到頭盤,同樣要晒兩款,生牛肉他他,黑松露,蛋黃同自製果醬,香脆包條.侍應介紹自製果醬,香脆包條上o既芝士,好似話加o左蘋果造成.我先食呢個,
包條的確香脆,自製果醬唔甜好清.芝士亦唔太鹹,或者係佢加o左o既蘋果果糖中和o左吧.而生牛肉他他,黑松露,蛋黃,
侍應又介紹綠色o既係由生菜打成o既茸,牛肉他他下面有啫喱,叫我o地撈埋o黎食.我又先唔撈埋o黎食,牛肉味道唔濃,口感滑,蛋黃同啫喱味道清到接近冇.然後到是日餐湯－絲瓜湯是也.從未聽過用絲瓜做湯,今次真係大開眼界,而為o左模仿cappuccino,面上就用o左杏仁打成泡沫,再加少少番茄乾裝飾.
而店方亦刻意唔俾湯匙,不過呢個有問題,因為啲湯好熱,泡沫好似做o左過橋米線面上o個層有保暖作用o既油一樣,唔可以快飲,而且攪到我差啲淥親,
我就真係要搖一搖個杯,令佢凍少少o黎飲.講返味道,話係杏仁泡沫,我同我老公都飲唔到杏仁味,而青緑色o既絲瓜湯呢?冇草青味亦冇乜絲瓜味,只覺得口感順滑,點解店方用絲瓜咁淡味o既o野做湯?係為o左配襯返佢o地清淡o既風格?如果係,咁就係用o岩o左.
之後係是日雪芭, 是日雪芭係青檸味,
酸同清新就固之然,但我食到少少澀味.清完味蕾,終於到主菜出場,主菜o黎到,令我有啲失望,就係份量超少,o個一刻,我即刻諗,我同老公夠唔夠飽?我先食燒龍蝦闊條麵配西班牙番茄醬,
龍蝦肉藏o係闊條麵入面,大大舊o既,
重有兩舊我留俾老公.
闊條麵彈牙,龍蝦肉卻唔係爽口兼食唔到龍蝦味,西班牙番茄醬味道唔太濃,但稠杰度o岩o岩好,OK o既.不過老公話佢o個兩舊龍蝦肉爽口喎.到慢煮黑毛豬柳配玉桂蘋果蓉,燒菠蘿.
豬柳厚切,肉係粉紅色,
口感鬆軟唔o鞋亦唔乾,但我覺得油膩,而味道係唔鹹.配菜o既紅椒竟然唔係甜而係苦,飲啖水食又冇事,睇o黎係啲汁影響佢.而燒菠蘿,我覺得佢唔甜,不過亦好彩唔乾.到甜品喇,先食紫薯乳酪,
紫薯味又係清淡近乎冇亦唔甜,佈裡有少少蛋糕.
最後係高踭鞋造型o既草莓仙子,
佢熔得好快,草莓味唔酸亦唔太甜.熱情果味雪糕亦然,正正常常.真係到最後,最後係餐飲,老公要薄荷茶,我要草莓紅茶.
草莓紅茶只有香味係有草莓味,飲落係冇o既,但口感滑,味道夠但唔算好濃.而老公o既薄荷茶呢?冇薄荷o既涼快感覺.味道微苦,怪怪.
總括:
賣相極精緻似藝術品,係有心機,不過份量好少(或者因為係法國菜吧),但仍須注意食物質素,始終唔係平,我明白信和廣場舖租唔平,畢竟客人唔係只為食賣相囉.
由於店舖早已知我係試食,所以我o係味道,服務同衛生都減o左啲分.
味道: 2.58分 環境: 4.5分 服務: 4.5分 衛生: 4.5分 抵食: 2.3分
Post
