台北人 (Closed)

老婆近排唔想煮飯又唔想出街食，叫左我去黃埔有間剛剛新開無幾耐既台灣便當。這間原來專做外賣，內裡裝潢原來都簡潔乾淨。便當都有好幾款選擇，滷肉飯、排骨、雞腿、滷豬腳等等，小食又算多款。見門口有寫幾款便當原來是新上市，但到最後都係選排骨便當。【排骨便當】這個便當都算大盒，內裡勁多配菜，有滷水蛋、粟米、椰菜、木耳，排骨都好大塊，又夠厚身，肉質又夠軟淋，炸物做得好出色，好有台灣夜市炸物既感覺。【炸雞腿】炸雞腿比想像中大隻，重點是即叫即炸，表面炸得勁鬆脆，但內裡又多肉汁，不錯不錯。【阿嬤冬瓜茶】每個便當都會奉送一包冬瓜茶，甜度剛剛好，不算好甜，又夠凍，係炎炎夏日非常解暑。食完個便當再加隻炸雞腿同一杯冬瓜茶，超滿足。