Video
Read full review
2019-04-11
152 views
全年365日都可以食火鍋，但好似呢間咁有heart，就好少見。$288一位任食兩個鐘，一般出去食都係咁上吓價錢。 好似係新場嚟，裝修幾有特色。嘩，估唔到一開始已經有驚喜，湯底有燉湯、老火湯、即叫即做生滾湯揀，唔駛加錢，仲可以叫鴛鴦湯底。我地叫左【黃金蟲草花花膠雞煲翅湯鍋】拼【足料卜卜花甲龍蝦濃湯鍋】。 雞煲翅湯鍋啲翅真係超多，雞味勁濃﹔ 蝦濃湯鍋有半隻龍蝦，花甲數一數有廿幾隻，仲要隻隻都咁大隻開晒口，鮮甜無比。海鮮拼盤種類唔係多，勝在每款都夠新鮮。四層架上有好多款唔同火鍋料，由上而下：1.台灣空運直送水蓮菜、雲南高原雪花繡球菌； 2.安格斯雪花牛頸脊、潮汕手打牛肉丸、西班牙黑毛豬腩肉；3.麻辣火鍋拼盤(鵝腸、千層肚、黑毛肚、黃喉)； 4.川渝筷子牛肉。好多都係任食火鍋之中好罕有，的確唔錯。出面可以自己攞飲品同蔬菜。出面有啲特色小食。仲有一大版火鍋料任揀。每樣叫少少試吓，只經排到滿枱都係，好有滿足感呀！ 細細碟，乾淨整齊。甜品有降火解辣冰粉，提子乾同西瓜粒，原味比薄荷味好食，食完口腔會好舒服，清一清之前野食嘅混雜味道。朋友極之喜歡呢度，話一定要encore，我都真心覺得正！
$288一位任食兩個鐘，一般出去食都係咁上吓價錢。
好似係新場嚟，裝修幾有特色。
嘩，估唔到一開始已經有驚喜，湯底有燉湯、老火湯、即叫即做生滾湯揀，唔駛加錢，仲可以叫鴛鴦湯底。
我地叫左【黃金蟲草花花膠雞煲翅湯鍋】拼【足料卜卜花甲龍蝦濃湯鍋】。 雞煲翅湯鍋啲翅真係超多，雞味勁濃﹔ 蝦濃湯鍋有半隻龍蝦，花甲數一數有廿幾隻，仲要隻隻都咁大隻開晒口，鮮甜無比。
海鮮拼盤種類唔係多，勝在每款都夠新鮮。
四層架上有好多款唔同火鍋料，由上而下：
1.台灣空運直送水蓮菜、雲南高原雪花繡球菌；
2.安格斯雪花牛頸脊、潮汕手打牛肉丸、西班牙黑毛豬腩肉；
3.麻辣火鍋拼盤(鵝腸、千層肚、黑毛肚、黃喉)；
4.川渝筷子牛肉。
好多都係任食火鍋之中好罕有，的確唔錯。
出面可以自己攞飲品同蔬菜。
出面有啲特色小食。
仲有一大版火鍋料任揀。
每樣叫少少試吓，只經排到滿枱都係，好有滿足感呀！ 細細碟，乾淨整齊。
甜品有降火解辣冰粉，提子乾同西瓜粒，原味比薄荷味好食，食完口腔會好舒服，清一清之前野食嘅混雜味道。
朋友極之喜歡呢度，話一定要encore，我都真心覺得正！
Post
