叉太郎 (Closed)

灣仔油站過條馬路就係叉太郎，今日落雨天色較暗，更顯店舖光鮮。牆身有圖文並茂既招牌，非常清楚。選左必食既招牌叉燒配健康既藜麥飯($55)，睇落以為細細兜，但食落發現叉燒超多，肥瘦適中，啖啖肉。藜麥飯份量亦多，粒粒圓碌碌。兜飯關好仲會貼個貼紙封實，包保唔會漏汁。竹笙浸有機時蔬，應該冇味精，竹笙爽口。因為鍾意濃味少少，自行加多兩粒鹽，味道再出D。太郎美顏蟲草雞湯，材料超級多，蟲草花肥美。橘機叉燒($38)，個醬係好似柚子蜜既質感，但係橙味，仲見到有d果肉，真材實料。叉燒同招牌款一樣出色。見到都有人用foodpanda點餐自取，非常方便。下次都可以試下!