方叔叔重慶老火鍋 (渣甸中心)

Open Now

Now Closed

第一次打邊爐試「貴州紅酸湯」，湯底用咗貴州紅辣椒、毛辣果做主要材料進行180天嘅發酵，佢哋仲落咗木薑子油、香茅、番茄、豆芽、小芹菜同鮮花椒，成個湯底好香又唔會太酸，同啲牛肉好夾😋😋嗌咗呢個湯底再嗌牛肉拼盤有9折，有美國prime特級牛小排、美國prime特級牛胸腹、澳洲牛板腱、藤椒牛舌、胡瓜絲同青瓜花，啲牛嘅質素好高，就算淥耐咗都唔會韌👍🏻下次要試埋佢哋嘅晨洲生蠔先，聽聞又肥又鮮味😋佢哋呢度嘅午市一人火鍋都好抵食，最平$98已經有晒肉類、海鮮、素菜、主食、甜品同嘢飲，仲有埋鴛鴦湯底添！值得一讚嘅係呢度冇加一服務費，但係服務一樣咁好，真係好抵食！