Mr. Korea BBQ (Moved) New Location

咁大個女都未試過醬油蟹，一直都好想試吓，前排聽講呢間餐廳嘅醬油海鮮拼盤好好食，拿拿臨book一日過嚟試吓๑˃́ꇴ˂̀๑食物質素唔錯，仲要食完埋單嗰陣老板話俾現金全單有八折優惠，第一次食醬油蟹嘅我表示幾抵食 ˃̵͈̑ᴗ˂̵͈̑✎ 醬油海鮮拼盤材料有2隻醬油蟹、4隻醬油鮑魚、6隻醬油蝦同紫菜飯。呢個海鮮拼盤真係好好食，鮑魚幾大塊，勁爽口，質素唔錯，而佢嘅湯汁清甜得嚟帶點鹹味，同時加咗辣椒同灑咗啲芝麻，食落惹味；蝦滑嫩爽口；蟹殼附有蟹膏，蟹肉未熟嘅時候呈透明，口感如啫喱滑脫脫，嫩滑可口。整體嚟講味道幾清甜且新鮮，聽老板講個湯汁煮咗四個鐘以上，即刻拎埋湯汁撈飯唔好哂哈哈！如果想食得更加濃味，可以點甜辣醬，味道同樣出色！✎ 韓式拉麵份量都幾多，材料有拉麵、菇、蔥、蘿蔔絲。打咗啲蛋花落去，充滿蛋花香味～✎ 特級牛小排肉質滑嫩，有咬口，油花都幾靚。