桜

Open Now

Now Closed

平時都會去又新街掃下街食下小食，今日發現左一間新開既外賣壽司店，望落個門面靚靚仔仔，一於入去試下啦！一打開張點單紙已經見到有差唔多六十款手卷，樣樣都望落好新鮮🤤🤤最後點左我最愛既海膽手卷，手卷入面有好多海膽😍一食落去超鮮甜，一啲苦澀味都無，果然夠新鮮，一個字：無得彈！另外點左個三色三文魚丼，入面有三種三文魚，分別係火炙，辣味同埋三文魚粒，中間仲有d三文魚籽同牛油果，全部都好新鮮好足料，大大碗先係50幾蚊😆！平時茶記食個頹飯都要啦～不得不提既，佢連豉油有分普通同辣豉油，芥辣都有分普通同勁辣，真係好細心，岩哂我地呢d愛辣人士呀😆😆😆🤤。