聚友小廚

Open Now

Now Closed

我最喜歡周圍發掘新店，今次比我找到間新開冇耐的小廚， 內裡裝修整齊簡潔，重得舒服， 侍應熱情介紹當天新鮮海鮮的菜式。我和媽咪一座低就比隔離枱的扇貝吸引住了， 原來今日做特價20蚊隻，每人可以叫一隻先， 之後想食就原價。咁抵拿拿聲蒸左兩隻啦！果然冇叫錯，蒸好來到大大隻時間火喉控制得唔錯剛剛熟， 底下幾多粉絲吸哂鮮甜味。我亦叫左我的最愛酥炸美國桶蠔， 嘩炸得香脆，蠔又夠哂肥美 yummy 。 剁椒蒸魚雲係媽咪最愛，我點可以唔叫呢！蒸好拎出來時每枱都望住，因賣相實在太吸引了， 我忍唔住手，即食返件，魚雲夠入味好滑，底仲要有件滑豆腐，真係估佢唔到。最後我仲叫左 啫啫通菜煲和豉油王炒麵， 通菜煲又係冇得輸，夠哂惹味，有豬肉碎，蝦乾爆得好香， 炒麵唔會過油，鑊氣一流，今晚和媽咪食得超滿足。下次會帶成家人一齊來食。