段純貞牛肉麵 (MONTEREY Place)

Open Now

Now Closed

台灣麵邊間好味，如果話面質要比較有特色和坐得舒適既會數到段純貞。環境舒適座位寬敞，空間感大，邊食野邊聊天都舒服。同朋友點左兩樣主食和兩小食。養生無骨紅棗黃酒雞清酒香撲鼻，雞肉嫩滑入微帶酒味。傳統滷豬腳蘿蔔滷水香濃，但沒油膩感，豬腳Q彈有嚼勁。犇牛四寶麵（幼麵）個人幾鐘意，有牛腱,牛筋,牛肚和嫩五花，好豐富啊！口感軟稔又夠入味,湯底夠晒濃味。招牌紅燒腱心牛肉麵手工麵 手工面寬帶狀，口感甚佳，牛肉香嫩，好軟稔入味。湯底味道濃略帶微辣,好適合我想試辣味但不能太辣既人!甜品生活多點甜，點左純真芋圓4號 ，古早黑糖剉冰。芋圓4號以椰汁作配搭，有珍珠，芋圓，仙草，甚豐富。至於古早黑糖剉冰賣相好靚，打卡同品味都以好選擇。整體而言，食物滋味，環境舒適，可以坐得久聊天好地方。