少爺18 (Closed)

少爺18葵芳興芳路223號新都會廣場4樓410-412號舖自己一向都好鐘意食東南亞既美食，覺得好岩胃口，今日就黎左呢間專食馬來西亞，星加坡美食既<少爺18>開餐啦入到黎淨係見到餐廳既裝修佈置，仲有餐碟都覺得幾有品味可能因為之前疫情嚴重禁左堂食既關係，香港人餓左太耐啦，所以而家放寬返間間餐廳都座無虛席，好開心見返呢d場面，希望經濟會快d好返啦餐廳而家好正做緊感謝節優惠，有12款美食做緊3折勁抵呀2~4人可以叫1款，5人或以上可以叫2款以往差唔多個個月都會飛一轉東南亞relax, 食好嘢。。。但而家已經大半年無飛啦，搞到係Meun入面樣樣嘢都想食，都唔知點揀好呀五式鹵水拼盤---3折優惠我地就係揀左呢個，超級抵只係$29蚊，好足料有糖心蛋，雞腳，豆腐，酸菜同埋豬手， 鹵得好入味，下次黎如果正價都會選擇呢個黃咖哩軟殼蟹---絕對比想像中好食，軟殼蟹炸得好香脆而且個份量都幾多，加上個咖喱汁係我最鐘意好泰式個種，加入左蛋去整，用黎送白飯一流啦 燒豬頸肉同埋串燒都不過不失，整得好有水準，值得一試 泰式金邊粉---最後呢個食落都好味既，但覺得餐廳就孤寒咗D囉，收得$88份量真係幾少