海膽仔

Open Now

Now Closed

本身就係一個海膽迷，經過新蒲崗一間叫「海膽仔」，有好多海膽嘅款式，價錢唔貴，性價比極高。餐廳入面放咗千與千尋入面嘅無面男公仔做裝飾，好有日本feel。珍寶赤蝦（2隻)珍寶赤蝦刺身非常新鮮鮮甜，口感爽口，食完超滿足。赤貝壽司 赤貝刺身海水味濃郁，咬落去好爽脆。倍化帶子吞海膽帶子炙燒過，有少許煙燻既滋味，帶來「外熟內生」的口感，入面包住新鮮嘅海膽，帶嚟雙重滋味。壽司定食入面有11件壽司🍣，一次試晒多款壽司，有選擇困難症嘅朋友叫呢個壽司定食就啱晒，吞拿魚蓉壽司入口即溶，三文魚腩壽司肥美，帶子壽司鮮甜，仲有一件海膽壽司，真係好抵食。海膽丼海膽份量都算多，其中一部份嘅海膽用小木板裝住，海膽慢慢溶化在口中，非常鮮甜。