龍德樓 (Closed)

幫貓咪買完所需用品後，經過呢間龍德樓，見都多人買外賣，望落菜式唔錯，就買回家慢慢嘆下先得。#燉湯-杏汁菜膽燉白肺-日月魚姬松茸燉赤肉湯足料清潤又養身，飲落唔覺有味精，好怕飲嗰啲淡而無味嘅湯，故呢度唔錯🥳.#鮑魚花膠煲材料十分豐富，除左鮑魚花膠外，還有金蠔、帶子、魚肚、魷魚、蝦、西蘭花同豆腐，花膠煲得好淋，鮑魚厚身身彈牙，口感豐富，好似食緊個盆菜咁😋。#西蘭花炒帶子西蘭花配帶子很夾，炒得十分惹味👍。#蝦乾排骨飯排骨肥瘦適中，蝦乾大隻，配埋冬菇十分香口惹味，飯粒分明唔會好乾身，配埋個豉油汁，真係份外好食。對自己好啲，就算外賣都要食好啲😊😚。