Camden Town

Open Now

Now Closed

特登黎試下馳名炸魚薯條，點知老闆今晚有野做要早收，咁外賣都好啦，老闆都肯即刻炸一份比我地。今晚西貢特別大風，我地揾左個細風小小既位坐低，趕係大風吹凍晒d野食前食晒佢地，如果係坐室內，我先唔捨得食得咁快。點左一份細炸魚薯條 ($80)，兩大塊魚，接近廿條粗薯條，條條都兩隻食指貼埋咁粗，我地兩個人share都食飽左7成。炸魚真係名不虚傳，係我食過第二好既fish’n chips，(第一係前年英國文化節入面，英國過黎既pop-up fish’n chips檔，都唔知叫咩名，所以西貢呢度算係全港最好之一喇。) 好食在於外皮又薄又少少鬆脆，有好濃郁既牛油味，魚肉味道好淡，但係充滿肉汁，熱辣辣既魚肉汁同牛油結合，係好窩心既味道。魚塊質地軟熟，好易吉爛，用手成塊拎住就食得乾淨利落好多。魚肉味道淡，他他醬係好好既補充，主要味道係好強勁既蒜蓉味，又有小小檸檬味中和一下，無咁漏，下次要加$10要多份。薯條就比較普通，無乜炸過，唔係太香口，似係長條形既焗薯，味道温和暖胃。咁高質素既炸魚薯條，下次一定要係餐廳入面慢慢歎，唔好食得咁急。