Lilium

Open Now

Now Closed

Lilium係太古坊附近嘅巷仔裏面，好多附近返工嘅一team一team人係入面食，睇嚟有質量保證。叫咗個下午茶紅燒牛肉牛丸麵做當做late lunch，份量都好大，有三大舊牛肉同兩粒牛丸，仲有小棠菜，我就揀咗走莞茜。牛丸彈牙多汁，牛肉非常軟腍，帶有膠質，口感豐富，而且煮得好入味，牛肉同湯底都係濃而不咸，食完唔會好口渴! 加上面頭炸蒜同蝦米調味，非常惹味。麵底可以揀台灣麵、冬粉等等， 台灣麵麵質滑腍，同我係台灣食到嘅一樣~ 下午茶仲包一杯飲品，凍檸茶入面有巨量檸檬，茶底仲可以係手機落單嘅時候揀濃啲/ 淡啲，非常抵讚呀。雖然餐廳係巷仔入面，但係室內環境都幾雅致，有啲台灣文青feel，窗邊仲有一排好似pici咁嘅窗口位置。價錢合理又好味，之後都會想再嚟試埋鹽酥雞滷肉飯。