炊豕店 (威靈頓街) (Closed)

之前就食過銅鑼灣間分店，中環呢邊位置比較闊落。呢度嘅招牌係豬扒飯，所以今次就食另一款豬扒！食咗秘製肉操汁豬扒，轉左撈粗麵底。塊炸豬扒超大塊好厚身，好足料嘅感覺。雖然係炸豬扒，但係炸粉一啲都唔厚，所以食到大大啖豬扒！肉燥汁入邊仲有少少肉碎撈落粗麵度食一流！另外仲加咗滷水雞蛋，好入味。另外朋友就叫咗蔥油豬扒撈粗麵，豬扒一樣大大份，蔥油好香！仲有叫咗梅菜扣肉飯，扣肉肥瘦分明，好好送飯。呢度嘅小食選擇都唔少，仲叫咗款唐揚炸雞，一樣都係炸粉一啲都唔厚，配埋個沙律醬食，真係好好味。另外仲叫咗款咖喱角，上枱嘅時候所有炸物都非常之熱辣辣。一碗麵嘅份量都幾足夠，最後都食到好飽！而且係中環地段來講，價錢都好相宜。