Video
Read full review
2018-10-09
1577 views
餐廳係商場三樓，地址感覺上要搵好耐，實情Apm隔離就到，都幾方便。餐廳仲有室外座位，因為怕熱都係坐室內地方算😂餐牌都幾多選擇，promotion有個set係1小食配2支somersby apple cider，小食揀左洋蔥圈，好大件，熱辣辣好香口。2支汽酒都唔hea, 加冰再倒插咁present出來，影相靚之餘仲可以keep到冰爽的感覺，用來配洋蔥圈十分適合。蟹肉龍蝦湯好creamy, 蟹肉一絲絲都有幾多，落左忌廉的湯感覺滑好多，龍蝦味香濃有少少咸香味。蝦多士好有驚喜，懶人最愛食法，蝦係蝦餅搽係麵包上，再成塊炸，香脆可口而且食得好方便，可以配泰式辣醬食，個人覺得就算唔加醬都已經好好食。主菜之一的美國牛腰柳要求了五成熟，覺得可以再生少少，肉質本身唔係好軟個種，但好香肉味，而且無乜筋，加上醬汁同芥末，食落幾順。薯條係幼切，新鮮炸起香脆，幼切好處就係更脆，仲可以一次食幾條。龍蝦意大利飯收汁收得幾好，唔太乾又唔太濕，龍蝦剝肉好容易，間中飯芯有少少硬，完全符合個人食risotto的口味，就係有好微的生先好食。焗蘋果金寶伴雲呢拿雪糕，蘋果甜品黎講，佢都唔算甜得過份，熱的焗蘋果配上凍的雲呢拿雪糕好夾
餐廳係商場三樓，地址感覺上要搵好耐，實情Apm隔離就到，都幾方便。餐廳仲有室外座位，因為怕熱都係坐室內地方算😂
餐牌都幾多選擇，promotion有個set係1小食配2支somersby apple cider，小食揀左洋蔥圈，好大件，熱辣辣好香口。
2支汽酒都唔hea, 加冰再倒插咁present出來，影相靚之餘仲可以keep到冰爽的感覺，用來配洋蔥圈十分適合。
蟹肉龍蝦湯好creamy, 蟹肉一絲絲都有幾多，落左忌廉的湯感覺滑好多，龍蝦味香濃有少少咸香味。
蝦多士好有驚喜，懶人最愛食法，蝦係蝦餅搽係麵包上，再成塊炸，香脆可口而且食得好方便，可以配泰式辣醬食，個人覺得就算唔加醬都已經好好食。
主菜之一的美國牛腰柳要求了五成熟，覺得可以再生少少，肉質本身唔係好軟個種，但好香肉味，而且無乜筋，加上醬汁同芥末，食落幾順。薯條係幼切，新鮮炸起香脆，幼切好處就係更脆，仲可以一次食幾條。
龍蝦意大利飯收汁收得幾好，唔太乾又唔太濕，龍蝦剝肉好容易，間中飯芯有少少硬，完全符合個人食risotto的口味，就係有好微的生先好食。
焗蘋果金寶伴雲呢拿雪糕，蘋果甜品黎講，佢都唔算甜得過份，熱的焗蘋果配上凍的雲呢拿雪糕好夾，脆crumble仲為甜品增添不少口感。
朱古力戚風蛋糕應該係用黑朱古力整的，甜度剛剛好，大概係平時食開的50%朱古力左右，戚風蛋糕好鬆軟，一層夾一層朱古力，口感同味道都好好，值得encore。
Post
