金子半之助 (東薈城名店倉)

Open Now

Now Closed

第一次同朋友來試這間天婦羅，先發現原來餐牌只得幾樣野揀，基本上如果你想食它出名的，只得2款選擇，一個係江户前天丼，一個係上天丼，兩者的分別係條魚。江户前天丼配的係穴子，散追穴子$68, 而上天丼配的係鱚魚，散追鱚魚$28, 所以江户天丼貴D$138, 而上天丼$118。我們每樣叫一個來試。穴子好長好大條但肉質有點散，相比下我倆都覺得上天丼的鱚魚口感幾好，幾特別又新鮮。配菜入面大家都有小柱魷魚，勁多小柱！正！仲有隻溫泉蛋，係呢間天丼店入面幾得意的配菜，食到一半先整穿同飯一齊食，多一種層次。不過我倆都覺得天丼如果多番d蔬菜類配菜會更好。因為要另一個天丼先有菇菌，但又無左重點的魚，配搭上可以更好。這間天婦羅的炸粉有少少似吉列炸粉，有別於平時食開的天婦羅，口感會比較脆，亦都唔會配有蘿蔔醬油，但我個人比較鍾情淡黃色脆漿的天婦羅。