稻田食堂

Open Now

Now Closed

放假同朋友去咗葵芳行下，經過仁芳街稻田食堂，朋友話佢哋嘅食品出色又抵食，咁啱未食午餐，不防入去試吓！食堂地方不算大，但都整潔乾淨。主打日式料理。秋田便當是食堂推介的超人氣便當，食材相當豐富。便當內有吉列雞扒1件+汁煮豬軟骨2件＋味付螺肉＋咖喱飯，另外仲有刺身三種（三文魚2件，帶子2件，有頭甜蝦）。雞扒外脆內嫩，豬軟骨夠林又入味，日式咖哩伴飯好惹味，配搭埋鮮味嘅刺身真係very good!特選三色丼：有三文魚、帶子、蟹籽。三文魚口感鮮美、入口爽滑，油脂甘香。帶子口感軟嫩，味道溫和鮮甜，壽司飯軟硬適中，加埋口感清脆嘅蟹籽食，每啖都帶一絲甜味附送茶碗蒸及小食：茶碗蒸滑溜鮮甜，加入香菇、日式魚蛋和蟹柳等，豐富了其味道和營養價值。小食味付螺肉爽脆彈牙有咬口。三文魚壽司即叫即做，用料新鮮。鹹檸七咸甜交雜、冰涼解喝。