Video
Read full review
2024-08-06
2179 views
Pici 一直係我的心水餐廳，想試下呢度出名的手工意粉。襯今晚早放工，咁岩又推出左新Menu – Seafood Volume 2，咁決定黎試下。睇完Menu後，發覺有唔少野都想試，所以最後決定跟隨服務員推介的Tasting Menu，每都只係 $298，已經包括2款前菜、3款意粉同埋2款甜品，而如果想試今個月新推出的車厘茄藍龍蝦寬扁蛋麵都只係加$40蚊。<粉紅生蝦他他>生蝦就食得多，但生蝦他他就真係第一次食。生蝦夠新鮮，肉質爽彈，配上西柚、橙粒提升甜味同酸味，唔會咁單調。而且份量都幾多，啖啖蝦肉好正。<香草番茄醬青口>一上枱已經香噴噴，番茄醬香濃帶酸、夠惹味，青口又索晒汁入晒味，係一道開胃前菜。<車厘茄藍龍蝦寬扁蛋麵>之後就試主菜，Pici主打手工意粉，咁當然唔可以錯過。首先呢度的意粉食得出好真材實料，扁蛋麵充滿蛋香，質感做到Al Dente的口感。而藍龍蝦肉新鮮爽彈，調味都唔錯，除左藍龍蝦尾外，其餘的龍蝦肉都放埋係意粉當中，加埋少少芝士味，掛晒汁，夠晒濃郁。加上食到有少少酒味，我估係煮龍蝦時加上去，味道層次更加複雜。<慢煮牛面
睇完Menu後，發覺有唔少野都想試，所以最後決定跟隨服務員推介的Tasting Menu，每都只係 $298，已經包括2款前菜、3款意粉同埋2款甜品，而如果想試今個月新推出的車厘茄藍龍蝦寬扁蛋麵都只係加$40蚊。
<粉紅生蝦他他>
生蝦就食得多，但生蝦他他就真係第一次食。生蝦夠新鮮，肉質爽彈，配上西柚、橙粒提升甜味同酸味，唔會咁單調。而且份量都幾多，啖啖蝦肉好正。
<香草番茄醬青口>
一上枱已經香噴噴，番茄醬香濃帶酸、夠惹味，青口又索晒汁入晒味，係一道開胃前菜。
<車厘茄藍龍蝦寬扁蛋麵>
之後就試主菜，Pici主打手工意粉，咁當然唔可以錯過。首先呢度的意粉食得出好真材實料，扁蛋麵充滿蛋香，質感做到Al Dente的口感。而藍龍蝦肉新鮮爽彈，調味都唔錯，除左藍龍蝦尾外，其餘的龍蝦肉都放埋係意粉當中，加埋少少芝士味，掛晒汁，夠晒濃郁。加上食到有少少酒味，我估係煮龍蝦時加上去，味道層次更加複雜。
<慢煮牛面頰寛帶麵>
慢煮牛面頰寛帶麵都係呢度的Signature Dish之一，寛帶麵比寬扁蛋麵更闊，所以口感更加明顯。牛面頰好淋，除左牛面頰粒外，還有將牛面頰碎肉加入醬汁，所以充滿牛肉香味，配上碎芝士，令你食到停唔到口。
<車厘茄大蝦意大利雲吞>
其實我麻麻地意大利雲吞，因為覺得細細粒食落去唔夠過癮。不過呢度的意大利雲吞應該「Localized」左，Size係同香港平時食開的雲吞無異。味道方面都有驚喜，餡料豐富，充滿蝦肉，已經相當濃味。另外配上兩隻大蝦，依舊新鮮彈牙，配上車厘茄醬，為佳餚增添一絲酸度，令餸菜不致於食到膩的感覺。
<焦糖香蕉Tiramisu‧意式奶凍>
焦糖香蕉Tiramisu幾有創意，食落比傳統的Tiramisu無咁腬。而意式奶凍唔太甜，配上雜莓醬酸酸地幾開胃，為呢頓晚餐畫上一個完美句號。
整體而言，Pici經常會有新Menu，令人食極都唔會厭，主打的手工意粉質量高，價錢亦都合理，尤其推介Tasting Menu。另外亦都要稱讚一下呢度的經理同服務員，唔全程有好好服務外，仲每道菜問你意見，講以為自己去左五星級酒店Fine Dining。
Post
