生龍清湯腩 (Closed)

是日去果欄買完生果，一袋二袋，唔想走遠，晚餐又唔想食得咁heavy，所以黎左生龍食清湯腩！招牌粉麵餐，主食六選一加小食八選一，另加飲品。清湯腩當然是首選，小食則揀了麻辣牛脷。牛腩肥瘦適中，食落有咬口亦有牛味。雖然是清湯，但湯底飲得出牛骨的鮮甜。小食更正中我下懷，因為份量大不特止，牛脷亦十分爽口。麻辣更添惹味。椰汁紅豆冰這個紅豆冰很出色，椰汁很濃，紅豆煲得好腍，唔似出面飲到的如水一般稀，飲落成杯都好香椰汁味，雖未有細問，但覺得應該用上了真椰水所以咁好飲！樽仔奶茶香濃幼滑，茶奶比例平均，幾好飲！咖喱筋肚飯咖喱也是這裏的招牌，金牌巴基斯坦咖喱的筋肚煮得很入味，筋肚彈牙但易咬，好入味，薯仔都好粉！樣子的確不太討好，但係內涵十足，配上一口白飯，是港人喜愛的美味！黑白胡椒煨牛尾胡椒味道很突出，牛尾很嫩腍，食落帶少少辣，又帶胡椒香。尤其那蘿蔔炆得好腍好好味！再來一碟腐乳菜心，簡簡單單又一餐！雖然主打食清湯腩和咖喱，但餐牌的選擇遠比想像中多，價錢實惠、選擇豐富，由早餐至晚餐都有，味道亦保持質素，難怪這個連鎖這麼多捧場客！