Video
Read full review
2018-12-02
219 views
今日行過坑口TKO Gateway地下個food Lane，發現原來嗰度好多嘢食！有間賣素食嘅店舖，但我唔係對佢地嘅齋有興趣，反而係比佢地嘅糕點吸引住！佢哋除咗賣唔同款式嘅糕點，仲有豆腐花同芝麻糊。睇到我眼花撩亂，$27/4件，最後決定每樣買兩件返去同媽媽一齊食，豆腐花、芝麻糊都係自家製作，無添加防腐劑，仲寫住係用有機黃豆，而且價錢都唔貴，豆腐花$8、芝麻糊$12，都係每樣要兩碗。返到去媽媽見到咁多糕點變得好興奮，佢嗰樣顯得好有興趣先食左豆腐花同芝麻糊先，豆腐花我食開無糖，所以對佢要求都幾高，一定要豆香先合格！呢碗$8水準唔錯，大碗之餘，豆香味有又夠滑！芝麻糊都好香濃，濃稠度適中，但甜度偏高，配無糖豆花剛好！糕點方面，馬豆糕、紅棗糕、桂花糕、香芋糕、馬蹄糕、彩虹椰汁糕、芒果西米糕、砵仔糕、椰汁蘆薈糕、紅豆糕，件件都好有份量啊！食完咁多件之後，最欣賞係紅豆糕！每啖都好似食緊紅豆沙，甜度適中，紅豆粒粒飽滿粉香！而馬豆糕入面嘅馬豆偏硬，呢款一般！香芋糕都唔錯，睇佢顏色以為係芋頭粉開，但食落真係有芋蓉嘅口感覺，雖然就無食到芋頭粒，但味道真係唔錯，芋香味濃郁！不過比起紅豆糕會甜啲。而桂花糕質感
有間賣素食嘅店舖，但我唔係對佢地嘅齋有興趣，反而係比佢地嘅糕點吸引住！佢哋除咗賣唔同款式嘅糕點，仲有豆腐花同芝麻糊。睇到我眼花撩亂，$27/4件，最後決定每樣買兩件返去同媽媽一齊食，豆腐花、芝麻糊都係自家製作，無添加防腐劑，仲寫住係用有機黃豆，而且價錢都唔貴，豆腐花$8、芝麻糊$12，都係每樣要兩碗。
返到去媽媽見到咁多糕點變得好興奮，佢嗰樣顯得好有興趣
先食左豆腐花同芝麻糊先，豆腐花我食開無糖，所以對佢要求都幾高，一定要豆香先合格！呢碗$8水準唔錯，大碗之餘，豆香味有又夠滑！
芝麻糊都好香濃，濃稠度適中，但甜度偏高，配無糖豆花剛好！
糕點方面，馬豆糕、紅棗糕、桂花糕、香芋糕、馬蹄糕、彩虹椰汁糕、芒果西米糕、砵仔糕、椰汁蘆薈糕、紅豆糕，件件都好有份量啊！
食完咁多件之後，最欣賞係紅豆糕！每啖都好似食緊紅豆沙，甜度適中，紅豆粒粒飽滿粉香！
而馬豆糕入面嘅馬豆偏硬，呢款一般！
香芋糕都唔錯，睇佢顏色以為係芋頭粉開，但食落真係有芋蓉嘅口感覺，雖然就無食到芋頭粒，但味道真係唔錯，芋香味濃郁！不過比起紅豆糕會甜啲。而桂花糕質感偏軟，但味道唔錯。
紅棗糕一定要蒸熱先好食，如果唔係就會好硬，唔煙韌，而且都無咁香。椰汁蘆薈糕就係果凍嘅口感，味道唔算太濃郁，感覺不過不失！
芝麻糕味道好濃厚，甜度適中，口感似Q彈啫喱，唔似中式糕點入面嘅芝麻卷。而馬蹄糕入面嘅馬蹄好爽脆！
砵仔糕紅豆比較少，而且因為黃糖比例高，會比其他糕點甜，但係口感唔錯，不過整體唔夠紅豆糕出色。
彩虹椰汁糕其實就係椰汁啫喱再加其他味道嘅啫喱，口感似果凍！芒果西米糕都係果凍嘅口感，芒果味道濃郁，但感覺太甜！
整體最推薦紅豆糕、香芋糕、豆腐花拼芝麻糊！記得豆花要無糖，配芝麻糊先會啱啱好！
Post
