龍門冰室 (Closed)

今時今日龍門冰室都算係非常出名，其他分店都間唔中會幫襯，唯獨係龍門居呢一間真係冇乜機會幫襯，真係咁岩去間呢一頭先會入到黎試下☺️龍門居d鋪頭集中晒係樓下條路度，所以好易就搵到。𣎴過鋪位同其他分店既size差好遠，入到去坐低已經見到d侍應同客人都熟落咁吹水，明顯係做街坊生意既格局。呢排因為疫情，都知道龍門有自設工作室整下抗疫用品。是日午餐餐牌，我果日就揀左吉豬烏冬，而朋友就係餐牌揀左個麵餐烏冬一上碟就見到好足料，塊吉豬夠厚身又大大塊，烏冬色水夠深，肯定夠晒味🤤果然不出所料，好食到停唔到口朋友個麵餐就係五香肉丁辛辣麵，辣x辣，見到碗麵我都流汗😂朋友comment話肉丁好多，麵就偏硬身，岩晒佢口味👍🏻個麵餐重會跟一份牛奶咸牛肉玉子燒，我試左一啖，d蛋滑到不得了，配埋大量咸牛肉，直頭係王牌美食😍至於多士亦都好好，有得配奶醬多，好有心機😍野飲就叫左凍奶茶同凍檸茶食完唔多夠飽，所以叫多2份小食，蜜糖雞翼同薯蓉青口。2樣質素都好高，不過我個人鐘意雞翼多d，因為青口下面d薯蓉真係齋薯蓉😂如果多返少少配料會更高分最尾見到重有真普糭賣，當然要支持下👍🏻👍🏻👍🏻