醉標泰粵小廚

Open Now

Now Closed

雖然呢一間餐廳外面睇起嚟唔顯眼，但係排隊同埋等外賣嘅客人都非常多，證明食物都唔會差得去邊。🥳店員仲話平日八點前有八折，九點前就有九折，星期三仲全日八折添。🤩〈白湯酸菜魚〉🫕🐟因為我同朋友都鍾意食酸菜魚，所以喺烤魚、水煮魚同酸菜魚之中，就揀咗酸菜魚，雖然份量只係一至二人份量，但係魚片一啲都唔小，而且一條骨都冇，真係加晒分！個湯底係用海南雞殼同其他材料熬製而成，難怪湯底食得出同其他唔同。〈馬拉盞炒通菜〉🥬話明係有泰式菜食，又點會唔試吓馬拉盞炒通菜呢，鑊氣同份量都十足架！〈豉椒炒聖子〉🤤估唔到餐廳係用短身聖子，份量多到好誇張，起碼都有廿幾三十隻，鍾意食海鮮嘅朋友不妨試吓。〈雞軟骨、雞腎串燒、燒魷魚乾〉🍢🍗🐟雖然串燒有少少辣，但係都燒得好香口，尤其係燒魷魚乾，好食到一口接一口。