馬六

Open Now

Now Closed

中午同屋企人去食馬來西亞菜，見呢間馬六嘅菜式好多，就一於同媽咪去試一試。無骨海南雞飯拼白胡椒肉骨茶（$85）海南雞肉質滑嫩，雖然我食嘅係胸位，但一啲都唔會“鞋”，沾埋啲酸辣醬食落好惹味，而油飯有淡淡油香但唔會過油，感覺幾健康。另外，肉骨茶嘅白胡椒椒味好濃，飲完成身暖笠笠。略嫌排骨肉質太林太鬆，唔夠有口感。新加坡魚片喇沙摻摻（$59）喇沙湯底好香濃，顏色紅紅地又夾雜些奶白椰漿，好香的椰味，飲落仲有少少辣。米粉加油麵嘅配搭，入口都幾特別，幾有口感，魚片都幾有彈性。牛油咖央多士（$18）多士有四塊，外層焙至金黃色，入面一邊牛油另一邊咖央，一咬落去牛油滿口而溢，仲好香嘅班蘭味添。芝士拉茶（+$4）拉茶好香好滑，入口仲有啖啖芝士味。