安利大排檔 (Closed)

東大街台柱港式粉麵店，次次睇完Menu都係㨂番佢地個招牌馳名切腩四寶撈粗，唔係一般粉粉麵店既蠔油撈粗，佢地係用豉油王撈粗，味道冇蠔油咁濃反而覺得好食，配埋切腩、魚蛋、魚片、牛丸同雲吞，啱哂多心想試哂唔同配搭嘅人。再加埋佢哋個魚皮同鮮油多士就大滿足，炸魚皮真脆卜卜加埋佢個湯食唔停口，多士比一般茶記厚，外層烘得香香脆脆食落麵包入面又軟棉棉配埋凍冰冰鮮牛油，一口氣食哂。近日佢地係中環開副線分店，相信開業初期又會成人龍店。