Video
Read full review
2018-01-08
2133 views
星期日入元朗行下，然後住係呢區既朋友book左呢間雞煲去試。8點半到，已經full house，相比係隔離間來來真係好好生意（來來一個客都冇）😂必食3寶：雞煲，豬手，花蛤👍🏻4個人食，要左個豬手雞煲小辣，另外再嗌左啲火鍋料。上菜神速，開煲一陣香味迎面撲來，湯汁濃而不膩，小小辣更是十分開胃。建議先食豬手，因為本身已經處理，超淋亦容易入味，啖啖肉之餘仲吸盡本身湯汁，唔會太漏。之後就係雞，已經充分索曬湯底，肉質軟硬到適中，比係好多大牌雞煲有過之而無不及。因湯汁太出色，中途加入鮮枝竹同薯粉令成件事更完滿。花蛤一份有9隻，大隻鮮味爽甜，據說係呢間鋪頭唯一一種海鮮。環境與一般大排擋無異，廁所要去後巷，不過侍應態度好好又有速度，撞岩有人生日仲會熄燈播生日歌，好有heart。本人熱愛火鍋，真心推薦去開元朗既朋友去試。不過book定位穩陣
8點半到，已經full house，相比係隔離間來來真係好好生意（來來一個客都冇）😂
必食3寶：雞煲，豬手，花蛤👍🏻
4個人食，要左個豬手雞煲小辣，另外再嗌左啲火鍋料。
上菜神速，開煲一陣香味迎面撲來，湯汁濃而不膩，小小辣更是十分開胃。
建議先食豬手，因為本身已經處理，超淋亦容易入味，啖啖肉之餘仲吸盡本身湯汁，唔會太漏。
之後就係雞，已經充分索曬湯底，肉質軟硬到適中，比係好多大牌雞煲有過之而無不及。
因湯汁太出色，中途加入鮮枝竹同薯粉令成件事更完滿。
花蛤一份有9隻，大隻鮮味爽甜，據說係呢間鋪頭唯一一種海鮮。
環境與一般大排擋無異，廁所要去後巷，不過侍應態度好好又有速度，撞岩有人生日仲會熄燈播生日歌，好有heart。
本人熱愛火鍋，真心推薦去開元朗既朋友去試。不過book定位穩陣
Post
